എല്ലാം ശരിയാക്കി ഒരു സർക്കീട്ട്

പിണറായി രാജഭരിക്കും

നാട്ടിൽ കാഴ്ചക്കാരായിടും-

പൊതുജനം.

പൊതുജനത്തിൻ

അടിമ എന്നവർ മറന്നു.

ചൂണ്ടുവിരൽ കൊണ്ട്

ചൂണ്ടിയതും

അവർ മറന്നു.

കട്ടത് വെളുപ്പിക്കാനവർ-

ആഡംബരം എന്ന പേരിൽ

വിലാപയാത്രയും നടത്തി.

വഴി തടഞ്ഞ

ഉറുമ്പിനെയും

കറുത്ത നിറമുള്ള

കാക്കയെയും അവർ

വെള്ളയടിച്ചു.

പുത്തൻ മൈക്കിനു

മുന്നിൽ ഘോരഘോരം-

വെള്ളം വിതറി.

കേട്ടിരുന്നവർ കാലി-

സഞ്ചിയുമായി വന്ന

വണ്ടിയിൽ തിരിച്ചു

കുടിയിലേക്ക് പാഞ്ഞു.

റിമോട്ട് എടുത്ത് ന്യൂസ്

അമർത്തിയപ്പോൾ

ഒഴിഞ്ഞ അലമാരയും

പുറത്തേക്ക് തള്ളിയിരിക്കുന്നു.

എന്നെന്നും പോലെ

സഞ്ചിയെടുത്ത്

റോഡിലേക്ക്.

നടുവൊടിഞ്ഞെന്ന്

പൊതുജനം.

കടത്തിലാണെന്ന്

സർക്കാറും.

-അഷ്ക്കർ ചക്കര